تحضير الشباكية الرمضانية بالصور
مقادير العجين:
كيلو طحين
رابعة زبدة ماركارين
2 معلقات كبار خل
خمارة فاني
خمارة حمراء
قبصة ملح
الماء الدافئ لجمع العجين
الطريقة:
نخلطو الطحين مع الزبدة ونفركوها بيدينا حتى ندمجو الزبدة مع الطحين من بعد نزيدو الخل والخمارات ونجمعو العجين بالماء وعطيو الدليييييييييييييييييك ولكن خليو لعجينة قاصحة من بعد قسموها كورات ودلكو كل وحدة بالدلاك من بعد دوزوها فالماكينة دالشباكية حتى تولي رقيقة من بعد قطعو وشكلو كما هو واضح فالصور
قطعو معينات بالجرارة وكل معين ديرو وسطه شريطة بحال الشباكية
من بعد جيبو كل معين ديروه فوق الاخر ديرو تقريبا 4 او 5 واحد فوق الاخر
حلو ديك الشريطات ودخلو فيهوم القنت الفوقاني ديال المعين من التحت
جرو القنت من فوق الشريطات وتخرجليكوم فهاد الشكل بحال السبولة
من بعد قليو فالزيت سبولات ديالنا ونطفيوهوم فالعسل وبالصحة والراحة
هاكدا تتجي الشباكية ديالنا خفيفة وهشيشة ومعسلة
وفي الاخير فطبيعة الحال متنساوش تهلاو فيهوم بالزنجلان
وبالصحة والراحة
ليست هناك تعليقات :