كرواسا مالحة وروعة

اهلا بالجميع ان شاء الله طيبين اليوم جبتلكم

كرواسون مالح

وان شاء الله تعجبكم

كرواسون مالح
مقادير العجين
ثلاث كيسان فرينة
ربع كاس مارغرين طرية
ملح حسب الذوق
مغرفة صغيرة سكر
مغرفة كبيرة ونص خميرة العجين
زوج حبات بيض
ماء دافئ للعجن
نخلط كل المقادير مع بعض و نلمها بقليل من الماء ثم نضيف المارغرين فالاخير و نعجنها جيدا و تغطى و نتركها تختمر
مقادير الحشو
لحم مرحي
حبة بصل متوسطة مقطعة رقيقة
سنين ثوم
مغرفة صغيرة فلفل كحل
ملح
يمكن اضافة اي من الباهرات المفضلة عندك
اربع ملاعق زيت
معدنوس مقطع رقيق
نحط الزيت يحمى في مقلى نحط فوقه البصل و الثوم نقليهم شوي مباعد نحط اللحم و باقي المكونات و نحرك حتان يطيب اللحم
نحتاج فرماج للحشو
اما تشكيل العجين كما هو موضح فالصور

 

و اخيرا ندهن حبات الكواسون بصفار البيض مضاف ليه قطرتين خل للحصول على اللون الذهبي
نستف الحبات فآلصينية مدهونة زبدة او مارغرين و مرشوش فوقها شوي فرينة او الاستعانة بورق الطهي يكون أفضل و يطيبوا حبات الكواسون في فرن مسخن مسبقا طيبيهم اولا من تحت ثم من فوق

بالصحة و الهنا

شهية طيبة للجميع

تحياتي