سلام عليكم ورحمة الله تعالى وبركاته
هاد الملوي كنت كنديرو فدارنا وتفكرتو و قلت نصورو ليكم كنتمنى ينال اعجابكم
المقادير:بصلة مشلظة+فلفلة حمراء وخضراء مقطعين+خيزو محكوك غليظ+كفتة+معدنوس+التوابل:(ملح+ ابزار+كمون +خرقوم بلدي+ تحميرة +وشوي زعتر يابس
كنشحرو البصلة والفلفة بالزيت ونضيفو خيزو
ونضيفو الكفتة و المعدنوس والتوابل
غير تبرد العمارة ونزيدو شوي دالفرماج محكوك
ندوزو العجينة عادية الدقيق الحرش والفورص +الخميرة د الخبز+شوي دالسكر والملح ويتعجن بالماء دافئ وويتدلك مزيان
ونعملوه كويرات ونخليوهم يرتاحو
ونسرحو الكويرة بالزيت ونرشو العمارة ونلويوها
ونرشوه بالزيت و السميدة د الحلوى
ونلفوه بحال الشنيك
ونكرصوه ونخليوه يخمر وندهنوه بالبياض ديال البيض ونرشوه بالزنجلان
وهاهو فاش طاب و تحمرمرحبا بكم
ليست هناك تعليقات :