تحضير مسمن معمر باليبض و الكاشيير

مقادير :
عملت زلافة دقيق الفينو و نصف زلافة فورص
ملح و نصف معلقة سكر و نصف معلقة خميرة
طريقة تحضير :
عجنت الكل على الاقل ربع ساعة حتى حصلنا على عجينة لينة و رطبة

شكلتها كريات مسحتهوم بالزيت

وخليتهوم يرتاحوا نصف ساعة
فرقت لمسيمنات كيف العادة و دهنتهم بالزبدة و جمعتهوم
كملت الكمية

وبديت باول وحدة طلقتها شوية و طيبتها نصف مدة الطهي
وخليت الكل يبرد

فهاد الاثناء وجدت الحشو
4بيضات خلطتهوم مزيان مع مرتديلا و نصف حبة فلفلة حارة و ممكن تستعملوا الحلوة شوية من البصلة الخضارية و الجبن و ملح و الابزار و رشيشة الزعتر

غير بردوا لمسيمنات فتحناهوم من الجنب وبدينا نضغطوا بالايد حتى حصلن على فجوة كبييرة
و مع تنفخوا و تفرقوا فالعملية ساهلة
كنعمل مغرف من الحشو فقلب المسمنة و نسدها

ونعاود نعملها تطيب راها مكاتاخدش الوقت كتحمر و البيض كيطيب فوقت وجيز
كنقدمها سخوونة كتطلع لذيذة