الحشو
دارت 2 بصلات و2 دروس توم محكوكين امعا زيت العود والملح
غير تشحرو شوية زدت الفلفلة حمرا مربعات واحتا هي خليتها طاحت شوية
وزدت 2 مطيشات مربعات ونخلوهم احتا يقربو يطيبو عاد نزيدو العطرية
شوية الكامون ومعلقة صغيرة طحميرة وشوية خرقوم وابزار وخليو كلشي احتا نشف
نزيدو حك طون بمطيشة فالاخير
العجين
2 كيسان فورص
كاس الا ربع سميدة رقيقة
4 معالق كبار زيت العود
ملح
معلقة صغيرة خميرة
معلقة صغيرة سنيدة
كاس الا ربع حليب دافئ
نخلطو الحليب وسنيدة وخميرة ونخليوهم 15 دقيقة
وناخد دقيق والزيت والملح نبسبسوهم
من بعد ماوجدات لخميرة نعجنو كلشي مزيان
ونخليوه يرتاح نصف ساعة
ونقطعوه 11 كورة صغيرة
نخليوهم يرتاحو 10 دقائق ونطلقوهم ونحولو نرققو الوسط وجناب يبقاو منفوخين
نعمروهم بالحشو ونحكو عليهم زعيترة ونخليوهم يرتاحو 10 دقائق وندخلوهم يطيبو
من بعد ماطابو نرش عليهم الفرماج احمر محكوك
ونزينهم بزيتونة
ليست هناك تعليقات :