كيكة الطبقات

كيكة الطبقات
اولا نوجدو الكيكة
استعملت 2 بيضات - قبيصة ملح - كاس الا ربع سكر - كاس الا ربع زيت - ياغورت فانيل - 1 خمارة - الدقيق حسب الخليط
درتها فمول لي كيتقلب (المول العجيب هههه )
فاش طيب الكيكة نخليوها تبرد شوية تم نسقيوها بسيرو و لا بالقهوة
الطبقة الثانية
نصف لتر حليب - 2 ساشيات فلان - سكر حسب الذوق
وجدت الفلان عادي
ضفت ليه فاش وجد بكية ديال هنريس مهرس و 1 بيرلي و طحنت الخليط فالخلاط الكهربائي
خويتو فالفراغ ديال الكيك و خليتو يبرد و يشد فراسو
الطبقة الثالثة
دوبت الشكلاط فحمام مريم و ضفت ليه ياغورت فانيل
قاديتو من الفوق و رشيت شوية لوز محمر و مهرمش
بالصحة و الراحة